Poesie ironiche

Angelo

ANCILU

A ‘n’ancilu

ca vitti di sgarrubbu
cci vosi dumannari :
“Unn’è l’autru munnu ? ”.
Iddu m’arrispunniu:“ E’ ccà ! “
Quannu sta vita

ti vota li spaddi
ti cci trovi ‘n funnu.

Quando la parola era un contratto era sufficiente una

stretta di mano per fare un'accordo (un patto)

photo di Giovanni Mannino

LU PATTU

Siddu nascissi arreri ‘nta stu munnu
un pattu avissi a fari cu lu Patri Eternu
campari picca ma campari cuntentu
campari riccu e senza tribuliari.

Ddu picca c’avissi a stari ‘nta sta terra
avissi a passarimillu qualchi piacireddu
pi stari a la pari cu l’autri murtali.
Rimittennu peri all’autru munnu
putissi diri : “Murivi cuntentu”.

Vulennucci pinzari :
“campari filici o campari scuntentu”
nuddu voli jri all’autru munnu.
Sai ‘nzoccu ti dicu !:
Mi godu chiddu
ca oggi passa lu guvernu
ca pi l’autru munnu
stu pattu cu lu Patri Eternu
sugnu ‘ntempu a fari.

L'innesto di un albero

Photo di Giovanni Mannino

LU ‘NNESTU


Tagghia ‘n arbuliddu
cci fai ‘na ‘ntacca virticali
cci metti un pizzuddu di lignu virdi
e lu siggilli cu la catrami.

Si chiama ‘nnestu
ca siddu veni fattu rigulari
iddu frutti rari sapi fari.

Lu primu ‘nnestu
lu fici lu Signuri
quannu staccò
‘na custulidda d’Adamu
‘mpastò t’anticchia di crita
cci misi la custulidda
e la misi a lu suli.

Stu ‘nnestu sulu Diu lu potti fari
fici lu fruttu pi l’omu amari.
Cu stu travagghiu la fimmina nascìu
la fici tutta curvi ‘na cosa spittaculari.

Nna la primura ca lu Signuri
lu settimu jornu s’avia a ripusari
‘Na cosa si scurdò a fari:
“li pila ‘nta la lingua pi 'un parrari”.


(E’ solo ironia ed ogni riferimento è puramente casuale)

Sole che sorge 

SULI NASCENTI

Siddu nascissi arreri ‘nta stu munnu
attravissarsi muntagni e vaddi
lu mari lu scrutassi palmu palmu
pi ‘n-cuntrari a tia suli nascenti.

Sti dù stiddi ca teni ‘nta sta frunti
a li me’ occhi parinu brillanti
li biddizzi to’ ca sunnu tanti
‘lluminanu lu me’ cori eternamenti.

Sugnu sireno e ‘un haiu confusa menti
a nuddu haju prumisu mari o munti
pirchì prumissi ‘un nni fazzu a tanti.

‘Un sugnu pazzu né livatu di vinu
ma ricchizzi d’amuri ‘nn’haiu tanti
tutti pi tia senza scagghi pi nuddu..

GRAZZI SIGNORI

Oggi tu nascisti
e iu sugnu rinatu
a mia facisti nonnu
e cuntentu lu parinatu.

Gracci Signori
di sta niputedda ca mi dasti
da oggi ti prumettu
di essiri menu piccaturi.

‘Na Principessa pari
di comu m’haju priatu
di tuttu stu splinnuri
ringraziu lu Criaturi.

La filicità è ‘nfinita
la niputedda mia
è tutta la me’ vita.

Havi la facci di luna
di suli appena natu
biddizzi ca ‘un ti dicu
‘un fazzu paraguni.

Ringraziu lu Signori.

Botte di vino

QUANNU ME’ NANNU

Quannu me’ nannu mi dissi
ca lu vinu si pò fari puru cu la racina
mi vinni ‘na granni smania di cultivari la vigna.

Quantu travagghiu prima di la vinnigna!
Putari, zappari, ‘mpupari e pi furtuna
ca ‘un la pigghiò la farinedda.

Granni festa cci fu pi la vinnigna
canti curali e sbriu ‘n famigghia
manciannu sardi salati e murtadella.

Poi ballamu ‘nta la tina
pi scafazzari la racina
purtannu lu mustu a la cantina.

Nuddu ti vattiò(*)  sucu di racina
e tastannu tastannu lu liveddu scinnia
senza addunarimi ca la vutti ‘un era cchiù china.

Mentri allitratu traballavu
facennu un passu avanti e dui nnarreri
mi vinni ‘n menti un dittu paisanu...
e allungannu lu vrazzu cu la chiavi ‘n manu 
'ntra mia e mia dissi:
“Siddu è veru ca lu munnu gira
la mè casa avi a passari di ccà”.

(*) battezzato= (non è stata aggiunta acqua)

Bagheria, Villa Galioto - recital di poesie

Godrano, da sinistra Giuseppe Fumia, Giovanni Mannino,

Giuseppe Bagnasco, Paola Galioto Grisanti e Vincenzo Aiello.

Palermo, anno 2005, Giovanni Mannino I° classificato 

allla 3^ Ediz. Premio di Poesia "Pensieri in carta" .

I soci del circolo culturale "Giacomo Giardina" 

durante la Manifestazione di Premiazione

 della 6^ edizione del Premio di Poesia.

Cefalù, Premio di Poesia "Il Paladino" 2005.

Giovanni Mannino 2° classificato

L'alba dal balcone di casa mia

Sede del C.C. "G.Giardina"

Foto di Giuseppe Bagnasco

Da sinistra: Giovanni Mannino, Salvatore Marfia, Michelangelo Di Lorenzo e Giovanni Varisco

Carini (PA), 23 gennaio 2010

Carini 23 gennaio 2010 -XIX Ediz. Premio di Poesia "Baronessa di Carini"

Sez. Edito - Mariolina La Monica II^ classificata con la raccolta di poesie "Cristalli"

Sez. Edito - Giovanni Mannino III° Classificato con la raccolta di Poesie "A sipala"

A vampata di S.Giuseppe

Foto di Giovanni Mannino

Bagheria -Villa Galioto- Sede del Circolo Culturale "Giacomo Giardina" Bagheria

Cchiù ca la vampata di S.Giuseppe è "la manciata da vigilia di S.Giuseppe"

Santa Flavia 2009 - Premio di poesia

Vincenzo Aiello. Giovanni Varisco, Giovanni Mannino 

e Michelangelo Di Lorenzo

COMUNE DI BAGHERIA

Comunicati esterni: Poeti bagheresi si fanno onore

Riconoscimenti di rilievo per i poeti bagheresi del Circolo culturale Giacomo Giardina. Sono andati a Michelangelo Di Lorenzo e a Giovanni Mannino.

Di Lorenzo, alla IX edizione del Memorial Rosa Balistreri, concorso di poesie e canzoni siciliane inedite svoltosi a Licata, ha conquistato il secondo e il terzo posto, rispettivamente con le canzoni "Senzi d'amuri" e "Ascutu li cicali".

Non è nuovo al successo Michelangelo Di Lorenzo, ispirato e immaginifico poeta, anche in lingua italiana, e personaggio dalla spiccata umanità.

E' stato autore di un'apprezzata silloge di poesie, "Il mio mondo dalla A alla Zeta" e splendido vincitore l'anno scorso, con il componimento "Immagina", del premio "Giuseppe Sunseri" di Trabia. Non si era tuttavia mai cimentato come autore di testi di canzoni. Al primo tentativo un doppio successo dunque e i favori del numeroso pubblico che affollava il teatro di Licata nel nome della famosa e compianta cantante folk Rosa Balistreri. 
Parte del merito del successo va senz'altro ad un altro bagherese, Fabio Nicosia, valente pianista, tastierista, poeta e compositore, che ha non solo musicato i due testi ma li ha anche eseguiti ed interpretati con la collaborazione del chitarrista palermitano Salvo De Caro. Al successo ha contribuito anche la cantante Paola Di Lorenzo, pure lei felice interprete di entrambi i brani.
G.F.

ASCUTU LI CICALI
Ascutu li cicali
mentri ù suli cannalia,
appujatu a ‘na sipala
penzu a quantu sunnu
granni li mè guai.

Scurdari jo vulissi
tutti li mè dispiaceri
e campari ‘nta sta terra
senza cchiù scippari chiova.

Comu ‘n'aceddu,
vulissi vulari
e pusarimi supra ‘un arvulu
di zajira ciurutu.

SENZI D'AMURI

Accarizzu e vasu la tò vucca
fonti ri tutti li mè ricchizzi.
Suddisfu cù ducizza
li mè senzi, c'abbunnanu
d'amuri e ri spiranzi.

E quannu la sira
lu suli si va a curcari, si va a curcari
tutta l'acqua di lu mari
‘un po' astutari sta vampa d'amuri.

Stammi vicina, ‘un t'alluntanari
picchì quannu sì luntana
sta siti ‘un mi po' passari.
Statti ‘cu mmia ‘un mi lassari
picchì senza di tia
iu ‘un pozzu cchiù campari.

Michelangelo Di Lorenzo

Giovanni Mannino 

ha invece vinto il Premio Porticello nell'ambito della terza edizione del Premio Letterario internazionale "Colonna d'Eroma" fondato da Salvo Inserauto, altro poeta bagherese del Giardina.

La giuria, presieduta dal professor Salvo Inserra, ha gratificato "Lu Curdaru", ennesimo esempio della verve ironica di Mannino, con la seguente motivazione: 

"Sintomatica ed accattivante similitudine, per un

temperamento poetico che vuole esprimere, con ironia e distacco,

la inevitabile voracità del tempo che ci travolge, come granelli, 

nel trascorrere della nostra vita e dell'intero universo.

Sentire e pensare ci accompagnano in questo nostro continuare

a lottare, ma soprattutto a sperare soste e certezza di lenimento.

La poesia è la sola che riesca a non fare invecchiare il nostro 
cuore e a mantenerlo sempre vivo ed irrequieto come "Un cunigghiu a la campia".
G.F.

LU CURDARU

Da qualchi tempu a sta parti
vaju ‘nnarreri ‘nnarreri comu lu curdaru.
Lu jornu curru curru e m'arripigghiu
poi m'arruzzuliu comu lu scravagghiu.

La sira quannu mi vaju a curcari pi truvari risettu 
li pinzeri abbunnanu ‘nta l'occhiu di la menti 
comu carteddi di filu ‘impirugghiatu.
Si ‘ncontranu e si scontranu comu du' cati 
attaccati all‘estremità di la stissa corda
ca ‘nta lu puzzu fannu acchiana e scinni.

Poi comu pi ‘ncantu la currula si ferma
e grazzi a Diu cercu di pigghiari sonnu.
M'addummisciu ‘nnariu ‘nnariu 
quasi comu essiri vigghianti.
Mentri li pinzeri 
ca parianu arrisittati ‘nta la menti
ritornanu a trippiari
comu cunigghia a la campìa.

Giovanni Mannino